Walang reported damage sa magnitude 6 earthquake sa Lanao del Sur kahapon – NDRRMC

Walang naitalang kapinsalaan ang National Disaster Risk Reduction and Management Council (NDRRMC) sa magnitude 6 earthquake na yumanig sa Lanao del Sur kahapon.

Sinabi ni NDRRMC Spokesperson Director Edgar Posadas na hanggang kagabi ay walang major effects na naiulat sa NDRRMC.

Kahit aniya magnitude 6 ang lindol, dahil medyo malalim ang sentro na 617 km, kaya hindi masyadong naramdaman.

Iniulat ng Philippine Institute of Volcanology and Seismology (PHIVOLCS) na tumama ang lindol 3:55 kahapon ng hapon.  Ang sentro ay isang kilometro northwest ng Balindong, Lanao del Sur.  | ulat ni Leo Sarne