Unang Cabinet meeting sa taong 2019, gagawin ngayong hapon

Tanging Cabinet meeting lamang ang magiging aktibidad ngayong araw na ito ng Pangulong Rodrigo Duterte.

Ayon kay Presidential Spokesperson Salvador Panelo, ito ang kauna-unahang pagpupulong para sa taong ito ng mga miyembro ng Gabinete.

Hindi naman masabi ni Panelo kung ano ang mga pangunahing agenda ang nakatakdang talakayin sa ika-33 Cabinet meeting na gaganapin ngayong hapon.

Disyembre 3 nang huling pangunahan ng Pangulong Duterte ang pulong ng mga miyembro ng Gabinete sa Malacañang.

Ilan sa mga pinag-usapan sa huling meeting ng Team Duterte sa 2018 ang tungkol sa estado ng presyo ng produktong petrolyo, implementasyon ng second tranche ng Tax Reform for Acceleration and Inclusion o TRAIN Law habang nagkaroon din ng briefing sa National Task Force on Ending Local Communist Armed Conflict.  | ulat ni Alvin Baltazar