Drug Den sa Cebu nalansag ng PDEA, pito katao arestado sa buy-bust

Isang drug den ang nalansag at pitong drug personalities ang naaresto sa isinagawang buy bust operation sa Talisay City, Cebu.

Ayon kay Philippine‭ ‬Drug‭ ‬Enforcement‭ ‬ ‭ ‬Agency‭ ‬(PDEA)‭ ‬Director‭-‬General‭ ‬ ‭‬Aaron Aquino, noong  Nobyembre 10, bandang alas-3 ng hapon, ang pinagsamang pwersa ng PDEA Regional Office VII, MIMAROPA‭ Occidental‭ ‬Mindoro‭ ‬Police‭ ‬Station‭, at ‬Talisay‭ ‬City‭ Police Station ay nagsagawa ng buy-bust sa Sitio Tiago, Barangay San Isidro, Talisay City,‭ ‬Cebu,‭ na nagresulta sa pagkakalansag ng isang ‬drug‭ ‬den‭ ‬‬a‭t pagkakaaresto ng pitong ‬pinaghihinalaaang drug personalities.

Kinilala ni Aquino ang mga suspek na sina Franklin Rafols, na siyang maintainer ng naturang drug den; Raymond‭ ‬Labra;‭‭ ‬Jone‭ ‬Ryan‭ ‬ ‭ ‬Nacario;‭ ‬Christopher‭ ‬‬Ledona;‭ Stewart‭ Calinpusan; Michael Jay Bayaga at Mark Anthony Nacario.

Nakumpiska sa operasyon ang siyam na piraso ng heat-sealed transparent plastic‭ ‬sachet‭ na naglalaman ng puting ‬crystalline‭ ‭substance‭ ‬na pinaghihinalaang ‬shabu, at tumitimbang ng humigit-kumulang labing-limang (15) gram‭o at may ‬estimated‭ value‭‬ ‭na ‬Php102,000,‭ kasama ang iba’t ibang drug paraphernalia.

Ang mga suspek ay nahaharap sa kasong paglabag sa Section 5 o Sale of Illegal Drugs, Section 6 o Maintenance of Drug Den, Section 7 o Visitors of a Drug Den, Section 11 o Possession of Dangerous Drugs, Section 12 o Possession of Drug Paraphernalia at Section 15 o Use of Dangerous Drugs Article II ng Republic Act 9165 o Comprehensive Dangerous Drugs Act of 2002. | ulat ni Ched Oliva