Clinical trials sa buong mundo sa Ivermectin, wala pang solid conclusion na mabisa ito sa COVID

Wala pang solid na conclusion ang mga clinical trial sa buong mundo, kaugnay sa pagiging mabisa ng Ivermectin bilang pantugon sa COVID-19 patients.

Sa briefing ng Laging Handa, sinabi ni Department of Science and Technology (DOST) Usec. Rowena Guevarra, na nasa higit 50 pag-aaral sa buong mundo ang ginagawa para sa Ivermectin.

Ilan aniya sa mga pag-aaral na ito ay tapos na.

Gayunpaman, hindi pa rin aniya sapat ang mga datos upang mairekomenda ang paggamit ng Ivermectin bilang gamot sa mga pasyenteng tatamaan ng COVID-19.

Matatandaan na una na ring inanunsyo ng DOST na UP – Philippine General Hospital (PGH) ang mangunguna sa pag-aaral na ito.

Habang ang mga quarantine center na malapit sa PGH ang pagsasagawaan ng pag-aaral. Ang Department of Health (DOH) naman ay mayroon nang inilaan na pondo para dito.