10 NPA sa Davao Del Norte, sumuko sa militar

Sampu pang kasapi ng Communist-NPA terrorist group ang sumuko sa Philippine Air Force sa Davao  del Norte.

Ang pagsuko ay pinangunahan ni  alyas  ‘Lawaan’ o kilala din sa alyas ‘Kapitan’, kabilang ang isang  child warrior  na si alyas ‘Agnot’.  Kasama sa kanilang pagsuko ang mga dalang armas at mga bala.

Ayon sa ulat, pormal na sumuko  sa  Talaingod, Davao del Norte ang mga NPA sa mga tauhan ng  Field Station – Eastern Mindanao, Special Mission Group ng 300th Air Intelligence and Surveillance Wing ng Philippine Air Force.

Kasalukuyan pa silang sumasailalim sa debriefing at documentation ng militar.  Ang mga sumukong CNT ay sasailalim sa proseso para  maka-avail ng mga benepisyo  sa ilalim ng E-CLIP o Enhanced Comprehensive Local Integration Program ng pamahalaan.